«ՍԱՆԱՍԱՐ» բարեգործական հիմադրամը մշակում և իրականացնում է կրթական, մշակութային և գիտական ուղղվածության նախագծեր, որոնք նպաստում են հայ տեսակի պահպանմանը։

«ՍԱՆԱՍԱՐ» բարեգործական հիմնադրամը ստեղծվել է 2024 թվականին գործարար Արա Պետրոսյանի նախաձեռնությամբ։

Հիմնադրամի նպատակը հայ տեսակի պահպանումն է, ազգային ակունքների հետ կապի ամրապնդումը, հայկական ավանդական արժեհամակարգի վերահաստատումը հայ հասարակության մեջ։ Մենք կարևորում ենք ազգային էպոսում զետեղված արժեքները, իսկ Սանասարի կերպարը համարում ենք հայ տեսակի կատարյալ մարմնավորումը։

Ոչ առևտրային կազմակերպությունները, ի տարբերություն առևտրային կազմակերպությունների, ստեղծվում են ոչ թե գումար վաստակելու, այլ սոցիալական որևէ նպատակին հասնելու համար: ՀԿ-ները և հիմնադրամները կոչված են օգնելու այն ոլորտներում, որտեղ պետությունը միշտ չէ, որ կարողանում կամ հասցնում է իրականացնել իր գործառույթները։

«ՍԱՆԱՍԱՐ» հիմնադրամի ֆինանսական միջոցները գոյանում են հիմնադիրների և հոգաբարձուների խորհրդի անդամների անձնական միջոցների, ինչպես նաև կամավոր նվիրատվությունների հաշվին։

Ստացված նվիրատվությունները չեն ծախսվում տարածքի վարձակալության, հիմնադրամի աշխատակիցների վարձատրության և այլնի վրա: Գումարներն ուղղվում են հիմնադրամի ծրագրերի և նախագծերի իրականացմանը:

«ՍԱՆԱՍԱՐ» բարեգործական հիմնադրամի գործունեությունը միանգամայն թափանցիկ է, իսկ հաշվետվությունները տեղադրված են պաշտոնական կայքում և հասանելի են բոլորի համար։

Դուք կարող եք օգնել "ՍԱՆԱՍԱՐ" հիմնադրամին՝
• հանգանակություն անելով
• կամավորական սկզբունքներով աշխատելով որևէ նախագծի շրջանակներում
• մասնագիտական օգնություն ցուցաբերելով (խորհրդատվություն, էքսպերտիզա)
• կազմակերպչական, կոմունիկացիոն կամ  որևէ այլ ծառայություն մատուցելով։
Առաջարկների դեպքում կարող եք գրել  info@sanasar.am էլ․ հասցեին կամ զանգահարել +374 77 428118 հեռախոսահամարով։

Այո, եթե դուք ունեք նախագիծ կամ նախաձեռնություն, որը համապատասխանում է հիմնադրամի նպատակներին (հայ տեսակի պահպանմանը նպաստող կրթական, մշակութային և գիտական ուղղվածության նախագծեր), ապա կարող եք ներկայացնել այն փաստաթղթի տեսքով հիմնադրամի հոգաբարձուների խորհրդի քննարկմանը։ Ներկայացվող փաստաթուղթը կարող է կազմված լինել ազատ ոճով, բայց պարտադիր պետք է պարունակի՝
• նախագծի նկարագրությունը (ինչի մասին է և ինչպես է այն նպաստելու հայ տեսակի պահպանմանը)
• նախագծի բյուջեն
• նախագծի իրականացման ժամկետները
• ում կողմից է իրականցվելու (իրավաբանական անձ և նախագծի թիմ):
Առաջարկվող նախագծերը կարող եք ուղարկել հիմնադրամի էլ․ հասցեին՝ info@sanasar.am։