ԻՆՉՊԵՍ ԿԱՐԵԼԻ Է ԱՋԱԿՑԵԼ «ՍԱՆԱՍԱՐ» ՀԻՄՆԱԴՐԱՄԻՆ

Դրամական նվիրատվություն

Սա աջակցության ամենատարածված միջոցն է, որը կարելի է անել առցանց հիմնադրամի կայքում կամ բանկային փոխանցում կատարել հիմնադրամի հաշիվներից որևէ մեկին: Ունեցեք ձեր լուման հիմնադրամի նախագծերի իրականացման գործում։ Ցանկացած չափի դրամական նվիրատվությունը մեծ նշանակություն ունի հիմնադրամի համար։

Կամավորություն

Եթե դուք պատրաստ եք մեզ հետ կիսել ձեր ժամանակը, տաղանդն ու կազմակերպչական հմտությունները, ապա կապվեք մեզ հետ, գրեք info@sanasar.am էլ․ հասցեին ձեր մասին և այն մասին, թե ինչպե՞ս եք պատկերացնում ձեր ներգրավվածությունը կամավորական աշխատանքներում։
Դուք կարող եք օգնել հիմնադրամին նաև միջոցառումների կազմակերպման հարցում՝ շնորհանդեսներ, ցուցադրումներ, քվեստային խաղեր ամառային ճամբարներում և այլն։ Նման միջոցառումների նախապատրաստման և անցկացման ժամանակ ձեր օգնությունը անգնահատելի է։

Ստեղծագործական և ինտելեկտուալ կամավորություն

Եթե դուք կարողանում եք գրել տեքստեր, նկարել, ծրագրավորել, ստեղծել դիզայն, լուսանկարել, տեսանկարահանել, տիրապետում եք օտար լեզուների և պատրաստ եք ձեր մասնագիտական գիտելիքներով օգաբդակել հիմնադրամին, մենք ուրախությամբ կընդունենք ձեզ մեր ինտելեկտուալ կամավորների շարքերում:

Մասնագիտական ծառայությունների մատուցում

Հիմնադրամի նախագծերը և նախաձեռնությունները մշտապես պահանջում են մասնագիտական օգնություն՝ խորհրդատվություն և էքսպերտիզա։ Եթե ունեք մասնագիտական հմտություններ և պատրաստ եք ձեր ժամանակի մի մասը տրամադրել ազգանվեր նախագծերի իրականացմանը, ապա սիրով կընդունենք ձեր առաջարկը։

Տեղեկատվության տարածում

Հիմնադրամի մասին պատմեք ձեր հարազատներին, գործընկերներին և ընկերներին, տեղադրեք հղումներ և պաստառներ ձեր առցանց ռեսուրսներում և սոցիալական ցանցերում։ Որքան շատ մարդիկ իմանան հիմնադրամի և մեր նախագծերի մասին, այնքան ավելի մեծ աջակցություն կարող է ստանալ հիմնադրամը և այնքան ավելի շատ նախագծեր կյանքի կկոչվեն: